قصيدة : بعنا السفينة
للزجال والشاعر : أحمد شرفان
بعنا الأصل وشوفو كي ولينا
لا من يرحم وفين تربية لي تربينا
القلوب كحالات والريح لي جا يدينا
حياتنا ولات عذاب
ياك درناها بيدينا
اليوم ولى غير الحساب
وليام غاده بينا
رجا ف الله واخا هذا مكتوب
نشوفو ونسكتو وشكون اداها فينا
دنيا غاده بالمقلوب
والريح لي جا ايدينا
اليوم كلشي ولى ملعوب
والسفينة غرقات بينا
يابنادم صفي وثوبْ
الساعة راها قربت لينا
الأصل لاتبيعو
وشوفو هاذ الناس آش دارو فينا
